სეუტას მერი: ქალაქში 5 000-მდე მიგრანტი რჩება, დაღუპულთა რიცხვი 100-მდე გაიზარდა
სეუტის ხელმძღვანელის, ხუან ხესუს ვივასის განცხადებით, ესპანეთის ანკლავ სეუტაში გასულ კვირას განვითარებული მიგრაციული კრიზისის შემდეგ კვლავ 3000-დან 5000-მდე მიგრანტი რჩება.
მისი თქმით, მაროკოდან სეუტაში რამდენიმე საათში დაახლოებით 78 000 მიგრანტი გადავიდა, რასაც 100 ადამიანის სიცოცხლე ემსხვერპლა. ვივასმა მომხდარს „გამოუსწორებელი ტრაგედია“ უწოდა.
კრიზისმა დაძაბულობა შექმნა ევროკავშირის იმ ქვეყნებს შორის, რომლებსაც ღია საზღვრები აქვთ და ესპანეთის მთავრობის კრიტიკა გამოიწვია.
თუმცა, ევროკავშირის კომისიამ შეაქო ესპანეთის „სწრაფი რეაგირება“ კრიზისზე, რაც მოიცავდა შეიარაღებული ძალების განლაგებას სეუტასა და მის სხვა ტერიტორიაზე, ჩრდილოეთ აფრიკის სანაპიროზე, მელილაში.
ვივასმა გააკრიტიკა ესპანეთის პრემიერ-მინისტრი პედრო სანჩესი და განაცხადა, რომ ხელისუფლების რეაგირება დაგვიანებული და არასაკმარისი იყო.
ამასთან, მაროკოული მედია იუწყება, რომ სოციალურ ქსელებში კვლავ ვრცელდება მოწოდებები სეუტაში მასობრივი გადასვლის ახალი მცდელობის შესახებ.
„ის ფაქტი, რომ ჩვენ არ გვაქვს ციფრები იმის შესახებ, თუ რამდენი ადამიანია ჯერ კიდევ სეუტაში, აჩვენებს, თუ რამდენად მცირე რესურსები გვაქვს ამ სიტუაციასთან გასამკლავებლად“, – თქვა სეუტას მერმა-პრეზიდენტმა.
კომენტარები
კომენტარი