ZZ Top-ის დრამერი ფრენკ ბირდი გარდაიცვალა
ჯგუფ ZZ Top-ის დრამერი ფრენკ ბირდი 77 წლისა გარდაიცვალა. მუსიკოსის წარმომადგენელმა განაცხადა, რომ ბირდი ოჯახის წევრების გარემოცვაში, ტეხასში მდებარე საკუთარ რანჩოზე გარდაიცვალა.
„დღეს მე და [ZZ Top-ის ბას-გიტარისტმა] ელვუდმა დავკარგეთ შესანიშნავი მეგობარი და თანაავტორი, ხოლო მსოფლიომ ერთ-ერთი ყველაზე ნოვატორი დრამერი, ასევე ტეხასის დიდი და ჭეშმარიტი შვილი დაკარგა. მისი საფირმო რიტმი იყო გასაღები იმისა, რომ ZZ მწვერვალზე დარჩენილიყო“, – დაწერა ZZ Top-ის დამფუძნებელმა ბილი გიბონსმა.
ბლუზ-როკ ჯგუფი ZZ Top 1969 წელს დაარსდა. ჯგუფის შემადგენლობა მრავალი წლის განმავლობაში უცვლელი რჩებოდა – ბილი გიბონსი, ფრენკ ბირდი და დასტი ჰილი. 2021 წელს ჰილი გარდაიცვალა, ხოლო ჯგუფის ბასისტი ელვუდ ფრენსისი გახდა.
ZZ Top-ს ამ დროისთვის 15 სტუდიური და 4 საკონცერტო ალბომი აქვს გამოშვებული, რომელთაგან მრავალი ტრეკი მსოფლიო ჰიტ-აღლუმების სათავეებს იკავებდა. 2004 წლიდან ZZ Top-ი როკ-ენ-როლის დიდების დარბაზშია შეყვანილი.