ირანის საგარეო საქმეთა მინისტრმა არასერიოზულად მიიჩნია დონალდ ტრამპის მუქარა თეირანისთვის „დამანგრეველი“ ეკონომიკური სანქციების დაწესების შესახებ
ირანის საგარეო საქმეთა მინისტრმა, აბას არაღჩიმ არასერიოზულად მიიჩნია დონალდ ტრამპის მუქარა ისლამური რესპუბლიკისთვის „დამანგრეველი“ ეკონომიკური სანქციების დაწესების შესახებ. მან ამ ნაბიჯს „ყურადღების გადატანა“ უწოდა და აღნიშნა, რომ ეს „მხოლოდ მორიგ მარცხს მოიტანს“.
„ე.წ. „ეკონომიკური D-Day“ ყურადღების გადატანაა თავად ამერიკის კრიზისიდან – უპრეცედენტო ვალსა და საპროცენტო ხარჯების მკვეთრ ზრდაზე“, – დაწერა მან სოციალურ ქსელ X-ზე.
აშშ-ის ხაზინის დეპარტამენტის მონაცემებით, სამშაბათს აშშ-ის ფედერალურმა ვალმა რეკორდულ 40 ტრილიონ დოლარს მიაღწია. ეს არის ზღვარი, რომლის გამოც აშშ საპროცენტო გადასახადებზე უფრო მეტს ხარჯავს, ვიდრე ეროვნულ თავდაცვაზე, ხოლო ბავშვთა პროგრამებზე – 50%-ით მეტს.
„ჩაფლავებული პოლიტიკის გაძლიერება მხოლოდ მორიგ მარცხსა და ირანელების მტრობას მოიტანს. აშშ-ის ეკონომიკური ტერორიზმი საფრთხეს უქმნის გლობალურ ეკონომიკასა და სუვერენიტეტს მთელ მსოფლიოში“, – დასძინა არაღჩიმ.