აშშ-ის ეკონომიკური ტერორიზმი საფრთხეს უქმნის გლობალურ ეკონომიკას და სუვერენიტეტს მთელ მსოფლიოში – აბას არაღჩი
აშშ-ის ეკონომიკური ტერორიზმი საფრთხეს უქმნის გლობალურ ეკონომიკას და სუვერენიტეტს მთელ მსოფლიოში, – ამის შესახებ ირანის საგარეო საქმეთა მინისტრი აბას არაღჩი აცხადებს.
არაღჩიმ ვაშინგტონის მიერ ირანისთვის დამატებითი სანქციების დაწესებას „ეკონომიკური D-Day“ – ეკონომიკური სამხედრო ოპერაცია უწოდა, რომელსაც, მისივე თქმით, წარუმატებლობა ემუქრება.
„ე.წ. ეკონომიკური D-Day ამერიკის საკუთარი კრიზისიდან გადახვევაა: უპრეცედენტო ვალი და საპროცენტო ხარჯების ზრდა. წარუმატებელი პოლიტიკის გაორმაგება მხოლოდ კიდევ უფრო მეტ დამარცხებას და ირანელების მტრობას მოიტანს. აშშ-ის ეკონომიკური ტერორიზმი საფრთხეს უქმნის გლობალურ ეკონომიკას და სუვერენიტეტს მთელ მსოფლიოში“, – განაცხადა არაღჩიმ.
ამასთან, დღესვე ირანის საგარეო საქმეთა სამინისტრომ თეირანის წინააღმდეგ აშშ-ის პრეზიდენტის, დონალდ ტრამპის ეკონომიკური ზეწოლის გაძლიერება დაგმო და მას „უკანონო“ უწოდა.