საფრანგეთში უამინდობას, სულ მცირე, ორი ადამიანი ემსხვერპლა, 53 000 ოჯახი ელექტროენერგიის გარეშეა დარჩენილი
საფრანგეთში ქარიშხლისა და რთული მეტეოროლოგიური პირობების შედეგად, სულ მცირე, ორი ადამიანი დაიღუპა.
მედიის ცნობით, სენტ-ვიქტურნიენში ქალს ხე დაეცა და დაიღუპა. დოლომიეში მდებარე ერთ-ერთ სახელოსნოში, რომელსაც მეხის დაცემის შედეგად ცეცხლი გაუჩნდა, მამაკაცი გარდაცვლილი იპოვეს.
საფრანგეთის ხელისუფლების ცნობით, რთული მეტეოროლოგიური პირობების გამო, 53 ათასი ოჯახი ელექტროენერგიის გარეშეა დარჩენილი.
ასევე, უამინდობის შედეგად პარიზი-ტულუზას მიმართულებით მატარებლების მოძრაობა შეფერხებულია.