ესპანეთის საზღვარი 24 საათში 60 000-მა მიგრანტმა გადაკვეთა – ქალაქის მოსახლეობის 70% უცხოელია, არის მსხვერპლი: ბოლო ცნობები სეუტადან, სადაც ადგილობრივებს ქუჩაში გასვლის ეშინიათ
ესპანეთის ჩრდილოაფრიკულ ანკლავ სეუტაში ნამდვილი კრიზისია. სულ რაღაც 24 საათის განმავლობაში მაროკოდან ტერიტორიაზე 60 000-მდე მიგრანტი შევიდა. ვითარება იმდენად მძიმეა, რომ ქალაქის პრეზიდენტმა მომხდარს “გაუმართლებელი“ უწოდა, რადგან ახალჩამოსულთა რაოდენობა ქალაქის მთლიანი მოსახლეობის (83 600 ადამიანი) თითქმის 70%-ს შეადგენს.
- მასობრივ მიგრაციას მსხვერპლიც მოჰყვა. ოფიციალური ინფორმაციით, საზღვრის გადაკვეთის მცდელობისას სულ მცირე 34 ადამიანი დაიღუპა. მიგრანტები, რომელთა შორის უმრავლესობა ახალგაზრდა მამაკაცია, თუმცა არიან ქალები, ბავშვები და ჩვილებიც, ესპანეთის ტერიტორიაზე მოსახვედრად რამდენიმე კილომეტრს ცურავდნენ ან კლდეებს მოჰყვებოდნენ.
ადგილობრივი მცხოვრებლები შოკში არიან.
“არავინ გამოდის გარეთ, ყველას ეშინია. ეს იმაზე აგრესიული ტალღაა, ვიდრე ოდესმე გვინახავს“, – აცხადებენ თვითმხილველები.
-
სასამართლოს გადაწყვეტილება და პოლიტიკური “შეტევა“
მიგრანტების მოზღვავება მას შემდეგ დაიწყო, რაც ესპანეთის უზენაესმა სასამართლომ დაადგინა, რომ ზღვაში დაკავებული მიგრანტების დაუყოვნებლივ დაბრუნება მაროკოში დაუშვებელია. ესპანეთის პრემიერ-მინისტრმა პედრო სანჩესმა მომხდარს ქვეყანაზე “შეტევა“ უწოდა და საზღვრის დასაცავად სამხედრო ძალები გაგზავნა.
სანჩესმა მომხდარში კრიმინალური ქსელები დაადანაშაულა, რომლებმაც მისი თქმით, სასამართლოს გადაწყვეტილების შესახებ დეზინფორმაცია “ტყის ხანძარივით“ გაავრცელეს.
-
ევროპის რეაქცია
სეუტაში განვითარებულ მოვლენებს საერთაშორისო გამოხმაურება მოჰყვა:
ჯორჯია მელონიმ (იტალიის პრემიერი) კადრებს “შოკისმომგვრელი“ უწოდა და განაცხადა, რომ კონტროლის გარეშე მიგრაცია ევროპის უსაფრთხოებას საფრთხეს უქმნის. იტალია ესპანეთთან შენგენის ზონის შეთანხმების შეჩერებასაც კი განიხილავს.
ურსულა ფონ დერ ლაიენმა (ევროკომისიის პრეზიდენტი): აღნიშნა, რომ ვითარება მიუღებელია და სასწრაფოდ უნდა შეწყდეს.
გერმანიამ და ფინეთმა მხარი დაუჭირეს საზღვრების გამკაცრებას და მაროკოს მოუწოდეს, უკანონო მიგრანტები დაუყოვნებლივ დაიბრუნოს.
ამ დროისთვის, ესპანეთის შინაგან საქმეთა სამინისტროს ცნობით, 25 000-ზე მეტი ადამიანი მაროკოში ნებაყოფლობით უკვე დაბრუნდა.
იხილეთ ასევე: