ჯარედ ლეტოს სექსუალურ ძალადობასა და არასათანადო ქცევაში 10 ქალი ადანაშაულებს
ჰოლივუდის მსახიობისა და ჯგუფ Thirty Seconds to Mars-ის ფრონტმენის, ჯარედ ლეტოს, წინააღმდეგ ახალი ბრალდებები გავრცელდა.
BBC-ის დოკუმენტურ ფილმში “Jared Leto: Hollywood’s Dark Secret” 10 ქალი საუბრობს მსახიობთან დაკავშირებულ გამოცდილებაზე, მათ შორის ოთხი ქალი მას სავარაუდო სისხლის სამართლის დანაშაულის ნიშნების მქონე სექსუალურ ქმედებებში ადანაშაულებს.
ქალების მონათხრობები 2002-2016 წლებს მოიცავს. მათი თქმით, სავარაუდო შემთხვევების დროს ისინი 16-დან 19 წლამდე ასაკის იყვნენ.
ერთ-ერთი ქალი აცხადებს, რომ ლეტომ მასზე სექსუალურად იძალადა, როდესაც ის 17 წლის იყო. მეორე ამბობს, რომ მსახიობი მას 19 წლის ასაკში სასტუმროს ნომერში სექსუალური ძალადობით დაემუქრა. კიდევ ერთი ქალი ამტკიცებს, რომ ლეტოსთან სექსუალური კავშირი 17 წლის ასაკში ჰქონდა და მსახიობმა მისი ასაკის შესახებ შეშფოთება უგულებელყო. მეოთხე ქალი კი აცხადებს, რომ 16 წლის ასაკში ლეტო მას განმეორებით ურეკავდა სექსუალური შინაარსის ზარებით.
დოკუმენტურ ფილმში ასევე Thirty Seconds to Mars-ის ყოფილი თანამშრომლები საუბრობენ, რომლებიც აცხადებენ, რომ ჯგუფის წევრების მიერ მოზარდ გოგონებთან ლეტოს ურთიერთობა მათთვის დისკომფორტის გამომწვევი იყო.
ჯარედ ლეტოს BBC-ისთვის გავრცელებულ ახალ ბრალდებებზე პასუხი არ გაუცია.
აღსანიშნავია, რომ აღნიშნული ინფორმაცია ქალების მიერ გამოთქმულ ბრალდებებს ეფუძნება და სასამართლოს მიერ დადასტურებულ ფაქტებს არ წარმოადგენს.
კომენტარები
კომენტარი