The Wall Street Journal – ომანის ყურეში მცურავ სატვირთო გემს ცეცხლი აშშ-ის სამხედრო ძალებმა გაუხსნეს
ომანის ყურეში მცურავ სატვირთო გემს ცეცხლი აშშ-ის სამხედრო ძალებმა გაუხსნეს, – ინფორმაციას The Wall Street Journal-ი ამერიკელ მაღალჩინოსანზე დაყრდნობით ავრცელებს.
გამოცემის წყაროს ცნობით, პანამის დროშის ქვეშ მცურავი სატვირთო გემი აშშ-ის მიერ ირანის პორტებზე დაწესებული საზღვაო ბლოკადის გარღვევას ცდილობდა.
ეკიპაჟმა გაფრთხილება უგულებელყო, რის შემდეგაც გემს ცეცხლი აშშ-ის სამხედრო ვერტმფრენმა გაუხსნა.
გავრცელებული ინფორმაციით, გემის ეკიპაჟის ყველა წევრი უსაფრთხოდ არის.
ცნობისთვის, ომანის ყურეში პანამის დროშის ქვეშ მცურავ გემ Vela Nova-ზე თავდასხმის შესახებ ინფორმაცია თავდაპირველად გაერთიანებული სამეფოს საზღვაო რისკების მართვის ჯგუფმა Vanguard-მა გაავრცელა.