კოლუმბიაში ძლიერი მიწისძვრის შედეგად დაღუპულთა რიცხვმა 250-ს გადააჭარბა
კოლუმბიის დასავლეთ ნაწილში 10 აგვისტოს მომხდარი ძლიერი მიწისძვრის შედეგად დაღუპულთა რიცხვმა 250-ს გადააჭარბა, – ამის შესახებ Reuters-ი ადგილობრივ ხელისუფლებაზე დაყრდნობით იუწყება.
მათივე ცნობით, სამძებრო-სამაშველო სამუშაოები ამ დრომდე გრძელდება.
7.4 მაგნიტუდის სიმძლავრის მიწისძვრამ დასავლეთ კოლუმბიის რამდენიმე რეგიონი დააზარალა.
მედიის ინფორმაციით, სტიქიის შედეგად ათასობით ადამიანი დაკარგულად ითვლება. მაშველები ნანგრევებში გადარჩენილებს სპეციალური ტექნიკის, დრონებისა და სამძებრო ძაღლების დახმარებით ეძებენ.
კოლუმბიის ხელისუფლებამ ქვეყანაში საგანგებო მდგომარეობა გამოაცხადა. პრეზიდენტმა აბელარდო დე ლა ესპრიელამ მიწისძვრის შედეგად დაზარალებულებისთვის ფინანსური დახმარების გაწევის ბრძანება გასცა.
ყველაზე მეტად დაზარალებულ ქალაქებს შორისაა კალი, პერეირა და მანისალესი, სადაც შენობები ჩამოინგრა და დაზიანდა ინფრასტრუქტურა.
კომენტარები
კომენტარი