„12 აგვისტოს ცას ახედეთ! სამი განსაკუთრებული მოვლენა გველოდება“ – ასტროლოგი
12 აგვისტოს ცაზე ერთდროულად რამდენიმე იშვიათი ასტრონომიული მოვლენა განვითარდება – მზის სრული დაბნელება, ექვსი პლანეტის განლაგება და პერსეიდების მეტეორული ნაკადის პიკი. განსაკუთრებული თარიღის შესახებ ასტროლოგი თამუნა იოსელიანი სოციალურ ქსელში წერს.
„12 აგვისტო, 2026 ცას ახედეთ: ამ დღეს ცაზე სამი განსაკუთრებული მოვლენა გველოდება!
მზის სრული დაბნელება
მზის სრული დაბნელება გაივლის გრენლანდიის, ისლანდიისა და ესპანეთის გარკვეულ ტერიტორიებზე, ხოლო ნაწილობრივი დაბნელება გაცილებით ფართო რეგიონიდან იქნება ხილული.
ექვსი პლანეტის განლაგება
დაახლოებით იმავე პერიოდში, დილის ცაზე შესაძლებელია ექვსი პლანეტის ერთგვარი განლაგების დანახვა. თუმცა ურანისა და ნეპტუნის მკაფიოდ დასანახად ოპტიკური მოწყობილობა მაგალითად, ტელესკოპი დაგჭირდებათ.
პერსეიდების მეტეორული წვიმის პიკი
12-დან 13 აგვისტოს ღამეს პერსეიდების მეტეორული ნაკადი პიკს მიაღწევს.
მთვარის სინათლის არქონის გამო ცა განსაკუთრებით ბნელი იქნება, რაც მეტეორების დასაკვირვებლად ძალიან კარგ პირობებს შექმნის.
სამი განსაკუთრებული ციური მოვლენა. ერთი დაუვიწყარი თარიღი. 12.08.2026 ამ ღამეს უბრალოდ ახედეთ ცას… შესაძლოა, სწორედ ეს თარიღი დაგამახსოვრდეთ“, – წერს ასტროლოგი.