ბახმაროში ტრადიციული დოღი “ბახმაროს თასი 2026” გაიმართა
კურორტ ბახმაროში საქართველოს ერთ-ერთი გამორჩეული და სანახაობრივი ღონისძიება ტრადიციული დოღი “ბახმაროს თასი 2026” გაიმართა.
შეჯიბრების ფარგლებში მხედრებმა ოთხ გარბენში მიიღეს მონაწილეობა. ბახმაროში დოღის ტრადიცია გასული საუკუნის 30-იანი წლებიდან იღებს სათავეს.
ყოველწლიურად, ფერისცვალების დღეს, გურიიდან, აჭარიდან, სამეგრელოდან და საქართველოს სხვა რეგიონებიდან მხედრები ბახმაროში იკრიბებიან და ტრადიციულ შეჯიბრებაში მონაწილეობენ.
დოღი წლების განმავლობაში ბახმაროს ერთ-ერთ მთავარ კულტურულ და სპორტულ ღონისძიებად ჩამოყალიბდა და მას ადგილობრივებთან ერთად არაერთი სტუმარი ესწრება.