ტრამპი ირანთან ომის დასრულების შესახებ: მე ახლა მოლაპარაკება არ მსურს
აშშ-ის პრეზიდენტმა, დონალდ ტრამპმა განაცხადა, რომ ამ ეტაპზე ირანელებთან მოლაპარაკებას არ აპირებს.
Fox News-თან ინტერვიუში ტრამპმა აღნიშნა, რომ ირანის რეჟიმი „ბოროტია“ და ირანის დელეგაციაზე მიუთითა, როგორც „მათზე, ვინც გარიგებას აფერხებს“.
კითხვაზე, ხომ არ ჰქონდა აშშ-ს საქმე „არასწორ ადამიანებთან“, ტრამპმა უპასუხა: „ახლა მე მოლაპარაკება არ მინდა. ვთქვი, მოდით, ნუღარ ვაწარმოებთ მოლაპარაკებებს. სამი დღის წინ ჩვენ გარიგება გვქონდა“.
„მათ გარიგების დადება სურთ, მაგრამ ყოველ ჯერზე, როდესაც გარიგებას დებენ, არღვევენ მას“, – განაცხადა ტრამპმა. „მათ არ სურთ სიკვდილი. ადამიანებს არ სურთ სიკვდილი“.