ცნობილია მძღოლის ვინაობა, რომელიც გორში დედა-შვილს დაეჯახა – მას წინასწარი პატიმრობა შეეფარდა
მძღოლი, რომელიც გორში, არაფხიზელ მდგომარეობაში ყოფნისას, მანქანით დედა-შვილს დაეჯახა, 35 წლის რევაზ ელიზბარაშვილია. მას წინასწარი პატიმრობა შეუფარდეს.
სასამართლომ პროკურორის შუამდგომლობა დააკმაყოფილა. ბრალდებულს ადვოკატი არ ჰყავდა.
2026 წლის 13 ივლისს, ღამის საათებში, გორში ბრალდებულმა რევაზ ელიზბარაშვილმა, რომელიც ალკოჰოლის ზემოქმედების ქვეშ მართავდა ავტომობილს, მოძრაობის უსაფრთხოების წესები დაარღვია და ქვეითად მოძრავ დედა-შვილს შეეჯახა. ავტოსაგზაო შემთხვევის შედეგად ორივე დაშავებული კლინიკაში გარდაიცვალა.