წყალი 13 საათით შეწყდება – გადაამოწმეთ მისამართები
„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით ინფორმაციას ავრცელებს და მოსახლეობას აფრთხილებს.
კომპანიის ცნობით, ვაკის რაიონში, ზემო ვაკის სატუმბო სადგურში წყალმომარაგების ქსელზე აუცილებელი ტექნიკური სამუშაოები ჩატარდება.
სამუშაოების მიმდინარეობისას 11:00 საათიდან 19 აგვისტოს 01:00 საათამდე წყალმომარაგება შეუწყდება: გოგებაშვილის ქუჩა თავის შესახვევებით, გალის, თერგის, კერესელიძის, ბელინსკის, მაყაშვილის, გუნიას, უმიკაშვილის, ლარსის, რჩეულიშვილის ქუჩებს ჩიხებითა და შესახვევებით; რ.ჯაფარიძის ქუჩა(იგივე ზემო ვაკის ქუჩა) და შესახვევს, ჟვანიას ქუჩებს.