ზელენსკიმ განაცხადა, რომ უკრაინა აშშ-სგან Patriot-ის რაკეტებს მიიღებს
უკრაინის პრეზიდენტის, ვოლოდიმირ ზელენსკის განცხადებით, უკრაინა აშშ-სგან „პეტრიოტების“ ტიპის რაკეტებს უახლოეს დღეებში მიიღებს.
„ზელენსკიმ განაცხადა, რომ უახლოეს დღეებში უკრაინა შეერთებული შტატებისგან ახალ დახმარების პაკეტს მიიღებს, რომელიც მოიცავს დამატებით PAC-3-ის ტიპის რაკეტებს Patriot-ის სისტემებისთვის“, – ნათქვამია საზოგადოებრივი ტელევიზიის ვებსაიტზე გამოქვეყნებულ ინფორმაციაში.
ზელენსკი ასევე აცხადებს, რომ უკრაინაში Patriot-ის საჰაერო თავდაცვის სისტემების წარმოების საკითხი აშშ-ის პრეზიდენტ დონალდ ტრამპთან „პოლიტიკურად“ გადაწყდა.
ოთხშაბათს ტრამპმა განაცხადა, რომ აშშ-მა შესაძლოა უკრაინას „პეტრიოტის“ ტიპის რაკეტების წარმოების ლიცენზია მისცეს. მან თქვა, რომ უკრაინა შეძლებს ამ რაკეტების წარმოების სწრაფად დაწყებას, როგორც კი ამის გაკეთების ინსტრუქციებს მიიღებს.
კომენტარები
კომენტარი