ირანელი მაღალჩინოსანი – ირანსა და აშშ-ს შორის ცეცხლის შეწყვეტის შესახებ შეთანხმების გახანგრძლივებაზე მოლაპარაკებები არ ყოფილა
ირანსა და შეერთებულ შტატებს შორის ცეცხლის შეწყვეტის შესახებ შეთანხმების გახანგრძლივებაზე მოლაპარაკებები არ ყოფილა, რადგან თეირანის პერსპექტივიდან, შეთანხმებას დაწყების თარიღი არ ჰქონდა და შესაბამისად, გასახანგრძლივებელიც არაფერია, – ამის შესახებ ირანელმა მაღალჩინოსანმა Reuters-ს განუცხადა.
„გახანგრძლივებაზე საუბარი არ არის, რადგან ირანის პერსპექტივიდან გამომდინარე, არ არსებობს დაწყების პერიოდი და შესაბამისად, გასახანგრძლივებელი არაფერია. შეერთებულმა შტატებმა დაარღვია დროებითი შეთანხმება მისი მიღწევიდან 48 საათის შემდეგ და რამდენიმე დღის შემდეგ გამოვიდა მისგან“, – განუცხადა წყარომ Reuters-ს.
მისი თქმით, ერთ-ერთი საკითხი, რომელსაც შუამავლები განიხილავენ, არის აშშ-ის დაბრუნება დროებით შეთანხმებაზე და ვალდებულებების შესრულების ვადების განსაზღვრა. „ამ საკითხთან დაკავშირებით არანაირი პროგრესი არ არის“, – დასძინა წყარომ.
მანამდე, თურქულმა მედიამ, პაკისტანის მთავრობის წყაროებზე დაყრდნობით, გაავრცელა ინფორმაცია, რომ თეირანი და ვაშინგტონი ივნისში ხელმოწერილი დროებითი შეთანხმების ფარგლებში მიღწეული 60-დღიანი ცეცხლის შეწყვეტის გაგრძელებაზე შეთანხმდნენ.