რუსებმა ვინიცაში „ნოვა პოშტას“ ფილიალს დაარტყეს, დაშავდა 8 ადამიანი
რუსებმა უკრაინის ვინიცის ოლქში „ნოვა პოშტას“ ფილიალზე თავდასხმა განახორციელეს, რის შედეგადაც რვა ადამიანი დაშავდა, – ინფორმაციას უკრაინული მედია ავრცელებს.
მათივე ინფორმაციით, სამი დაშავებული რეანიმაციაში იმყოფება.
„მტერმა ვინიცის ოლქში „ნოვა პოშტას“ ფილიალს დაარტყა. სამი დაშავებული რეანიმაციაში იმყოფება, რომელთაგან ერთი მძიმე მდგომარეობაშია“, – აცხადებენ ვინიცის საოლქო-სამხედრო ადმინისტრაციაში.
დარტყმის ადგილზე საგანგებო სიტუაციების სამსახურების წარმომადგენლები მუშაობენ.