საპატრიარქო სამძიმრის წერილს აქვეყნებს
საპატრიარქო, ტარიელ ჭანტურიას გარდაცვალების გამო, კათოლიკოს-პატრიარქი შიო III სამძიმრის წერილს აქვეყნებს.
„სახელოვან პოეტსა და კეთილშობილ პიროვნებას – ტარიელ ჭანტურიას ეთხოვება ჩვენი საზოგადოება.
მისი გულწრფელობით, სულიერი სიღრმითა და დახვეწილი პოეტური ენით გამორჩეული შემოქმედება ადამიანს მარადიულ ღირებულებებზე აფიქრებს.
იგი სამუდამოდ დარჩება ჩვენს მეხსიერებაში თავმდაბალ შემოქმედად, რომელიც თავისი ხალასი იუმორითა და სითბოთი ყველას სიყვარულსა და სიკეთეს უზიარებდა.
აღვავლენთ ლოცვებს, რათა უფალმან სავანესა მართალთასა დააწესოს მისი უკვდავი სული, ხოლო ოჯახის წევრებსა და ახლობლებს მიმადლოს მშვიდობა და ძალა მისთვის ლოცვისა“, – აღნიშნულია პატრიარქის სამძიმრის წერილში.