ქალი, რომელიც ყვარელში, ავარიის დროს დაშავდა, კლინიკაში გარდაიცვალა
ქალი, რომელიც ყვარლის მუნიციპალიტეტში ავარიის დროს დაშავდა, კლინიკაში გარდაიცვალა.
- ექიმის ინფორმაციით, ქალს საავადმყოფოში მიყვანის დროს სიცოცხლისთვის შეუთავსებელი დაზიანებები აღენიშნებოდა.
რაც შეეხება დანარჩენ დაშავებულებს, მათი ჯანმრთელობის მდგომარეობა სტაბილურია.
ცნობისთვის, ავტოსაგზაო შემთხვევა ალაზნის ხიდთან მოხდა – ერთმანეთს ორი მსუბუქი ავტომობილი შეეჯახა, რა დროსაც ორივე ავტომობილში მყოფებმა სხვადასხვა სახის დაზიანებები მიიღეს. დაშავებულებს შორის 2 არასრულწლოვანია.
მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.