“ამ იდიოტმა ძალიან გამაბრაზა” – ჩარლზ ბარკლი ლებრონ ჯეიმსზე
გუშინ ცნობილი გახდა, რომ ლებრონ ჯეიმსი კარიერას “ფილადელფია სიქსერსში” გააგრძელებს. “მეფე” ახალ გუნდს თავისუფალი აგენტის სტატუსით შეუერთდა და 2-წლიანი კონტრაქტი გააფორმა.
აღნიშნულ გადაწყვეტილებას პენსილვანიელთა ლეგენდა და ამჟამად საკალათბურთო ანალიტიკოსი ჩარლზ ბარკლი უცნაურად გამოეხმაურა.
“უკვე გოლფის მოედნისკენ მივდიოდი, ახლა კი უკან უნდა დავბრუნდე, რადგან ამ იდიოტმა სწორედ ახლა გადაწყვიტა ამის გამოცხადება. ძალიან გამაბრაზა, რადგან ჩემი გრაფიკი აირია. მთელი კვირაა გოლფს ვთამაშობ და ახლა პარასკევს მუშაობა მიწევს”, – განაცხადა ბარკლიმ ჟურნალისტ სტივენ ეი. სმიტის პოდკასტში.
ამის შემდეგ ლეგენდარულმა კალათბურთელმა ლებრონის კარიერაც გააკრიტიკა:
“მან სუპერგუნდი მაიამიში შექმნა, შემდეგ კლივლენდში, მერე ლოს-ანჯელესში და ახლა ფილადელფიაშიც იმავეს აკეთებს. ის გუნდს ყოველთვის საკუთარი თავის ირგვლივ აყალიბებს”, – განაცხადა ბარკლიმ.
შეგახსენებთ, 41 წლის ლებრონ ჯეიმსმა “ფილადელფია სიქსერსთან” ორწლიანი კონტრაქტი ვეტერანის მინიმალური ხელფასის პირობებით გააფორმა. 2026/27 წლების სეზონში მისი ანაზღაურება 3,876,529 დოლარი იქნება, ხოლო 2027/28 წლების სეზონში 4,070,355 დოლარი.
ლებრონ ჯეიმსის გარდა “ფილადელფიამ” ჯეილენ ბრაუნი, ანფერნი სიმონსი და დინ უეიდი დაიმატა. ESPN-ის ცნობით, “მემფისის” გამოცდილი კალათბურთელი კენტავიუს კალდველ-პოუპი მალე “დათვებთან” კონტრაქტს გაწყვეტს და თავისუფალი აგენტის სტატუსით “ფილადელფიას” შეუერთდება.
წყარო: Sportall.ge