რუსეთის სარაკეტო იერიშს ოდესაში მსხვერპლი მოჰყვა
რუსეთის მიერ უკრაინის საპორტო ქალაქ ოდესაზე განხორციელებული სარაკეტო დარტყმის შედეგად, ბოლო მონაცემებით, ორი ადამიანი დაიღუპა და ექვსი დაშავდა. დაშავებულებს შორის ბავშვებიც არიან.
იერიშის შედეგად დაზიანდა სამოქალაქო ინფრასტრუქტურა, რამდენიმე ადგილზე გაჩნდა ხანძარი, ხოლო სამაშველო სამსახურები დაზიანებულ ტერიტორიებზე მუშაობდნენ.
უკრაინული მხარის ცნობით, რუსეთის ძალებმა ოდესას რაკეტებით შეუტიეს. მოსკოვის ოფიციალური განცხადებით, დარტყმები სამხედრო ობიექტებზე იყო მიმართული, თუმცა უკრაინის ხელისუფლება აცხადებს, რომ სამოქალაქო ობიექტებიც დაზიანდა.
უკრაინის გენშტაბის ინფორმაციით, ბოლო 24 საათის განმავლობაში ფრონტის ხაზზე 249 სამხედრო შეტაკება მოხდა.
კომენტარები
კომენტარი