The Atlantic: ტრამპმა უარი თქვა უკრაინისთვის Patriot-ის სისტემისთვის განკუთვნილი 300 რაკეტის გადაცემაზე, რომელთაც ზელენსკი ვაშინგტონში გამართულ შეხვედრაზე ითხოვდა
აშშ-ის პრეზიდენტმა, დონალდ ტრამპმა უარი თქვა უკრაინისთვის Patriot-ის სისტემისთვის განკუთვნილი 300 რაკეტის გადაცემაზე, რომელთაც ვოლოდიმირ ზელენსკი ვაშინგტონში გამართულ შეხვედრაზე ითხოვდა. ინფორმაციას ამის შესახებ ამერიკული გამოცემა The Atlantic ავრცელებს.
გამოცემამ აღნიშნა, რომ გასულ ზამთარს უკრაინას ჯერ კიდევ გააჩნდა Patriot-ის რაკეტების შეზღუდული მარაგი რუსული რაკეტების მოსაგერიებლად და კრიტიკული ინფრასტრუქტურის დასაცავად.
თუმცა მას შემდეგ ირანში მიმდინარე ომმა ამერიკული მარაგის დაახლოებით ორი მესამედი ამოწურა – იუწყება სტრატეგიული და საერთაშორისო კვლევების ცენტრი (CSIS).
ანალიტიკოსების მონაცემებით, მთლიანობაში აშშ-ს ამჟამად Patriot-ის სისტემის მხოლოდ 759 ყველაზე თანამედროვე რაკეტა გააჩნია.
„ზელენსკიმ აშშ-ს სთხოვა 300 ასეთი რაკეტის გადაცემა, რათა უკრაინას ისინი ამ ზამთარს გამოეყენებინა. ტრამპმა უარი თქვა. სანაცვლოდ, ამ თვის დასაწყისში ანკარაში ზელენსკისთან გამართული მოლაპარაკებებისას, მან პირობა დადო, რომ უკრაინას Patriot-ის რაკეტების საკუთარი წარმოების ლიცენზიას გადასცემდა, თუმცა უკრაინა მათ დიდი მასშტაბით წარმოებას წლების განმავლობაში ვერ შეძლებს“, – ნათქვამია სტატიაში.
ერთ-ერთმა უკრაინელმა ოფიციალურმა პირმა გამოცემას განუცხადა, რომ რუსეთის ტერიტორიაზე ბალისტიკური რაკეტების გამშვებ დანადგარებზე დარტყმის შესაძლებლობის გარეშე, „ჩვენ არ გვაქვს მკაფიო გეგმა, თუ როგორ გადავრჩეთ ამ ზამთარს“.