ცნობილია ახალგაზრდა კაცის ვინაობა, რომელიც საბარგულიდან გადმოვარდა და გარდაიცვალა
გონიოში ცენტრალურ საავტომობილო გზაზე 40 წლის მამაკაცი, მსუბუქი ავტომობილის საბარგულის ნაწილიდან ჩავარდა და გარდაიცვალა.
არსებული ინფორმაციით, ბესო მიქელაძე საბარგულში იჯდა, მიღებული დაზიანებების შედეგად კი ადგილზე გარდაიცვალა.
შემთხვევის ადგილზე შინაგან საქმეთა სამინისტროს თანამშრომლები იყვნენ მობილიზებული.
შინაგან საქმეთა სამინისტროში „პრიმატაიმს“ განუცხადეს, რომ ფაქტზე გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც სატრანსპორტო მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია