ევროკავშირმა რუსეთის წინააღმდეგ სანქციების 21-ე პაკეტის მიღება ვერ შეძლო – მოლაპარაკებები 23 ივლისს გაგრძელდება
ევროკავშირის მუდმივი წარმომადგენლების კომიტეტმა (Coreper) რუსეთის წინააღმდეგ ევროკავშირის სანქციების ახალი, 21-ე პაკეტის მიღებასთან დაკავშირებით კონსენსუსს ვერ მიაღწია.
როგორც უკრაინული მედია ევროკავშირის რამდენიმე ინფორმირებულ დიპლომატზე დაყრდნობით იუწყება, აღნიშნულ საკითხზე დისკუსიები 23 ივლისის გაგრძელდება.
„დღეს Coreper-მა ვერ მიაღწია კონსენსუსს სანქციების 21-ე პაკეტთან დაკავშირებით, რადგან საბერძნეთი კვლავ დაჟინებით მოითხოვს პაკეტიდან რუსული თხევადი გაზის ტრანსპორტირების მომსახურების სრულად აკრძალვის ამოღებას, კერძოდ, მესამე ქვეყნებში. განხილვა ხვალ დილით გაგრძელდება“, – განაცხადა ერთ-ერთმა წყარომ.
აღსანიშნავია, რომ მანამდე ბულგარეთი იმუქრებოდა სანქციების 21-ე პაკეტის დაბლოკვით და მოითხოვდა რუსეთის მართლმადიდებლური ეკლესიის პატრიარქის კირილის სიიდან ამოღებას, მოგვიანებით მას იტალიაც შეუერთდა. საბოლოოდ, პატრიარქი კირილი სანქცირებულთა სიიდან ამოიღეს.
კომენტარები
კომენტარი