უკრაინული მედია – ლვოვში, რუსეთის იერიშის შედეგად დაშავებულთა რაოდენობა 30-მდე გაიზარდა
ლვოვში, რუსეთის იერიშის შედეგად დაშავებულთა რაოდენობა 30-მდე გაიზარდა, – ინფორმაციას უკრაინული მედია ავრცელებს.
ლვოვის ოლქის სახელმწიფო ადმინისტრაციის ხელმძღვანელმა, მაქსიმ კოზიცკიმ განაცხადა, რომ შენობების ნანგრევების ქვეშ ადამიანები არიან მოყოლილი.
ადგილზე სამძებრო-სამაშველო სამუშაოები მიმდინარეობს.
მაქსიმ კოზიცკის ცნობით, დაშავებულთაგან 15 ადამიანი საავადმყოფოებში გადაიყვანეს, მათ შორის არიან ბავშვები.
რუსული ძალების თავდასხმის შედეგად, ლვოვში 20-ზე მეტი საცხოვრებელი შენობა, სკოლა და საბავშვო ბაღი დაზიანდა.