საფრანგეთსა და ესპანეთში ხანძრების გამო, ბორდოსთან ახლოს მდებარე ტურისტული ადგილებიდან 4000-მდე ადამიანია ევაკუირებული
საფრანგეთში, ატლანტის ოკეანის სანაპიროზე მდებარე ტურისტული ადგილებიდან 4000-მდე ადამიანის ევაკუაცია განხორციელდა. ამის შესახებ ინფორმაციას The Guardian-ი ავრცელებს.
გამოცემის ცნობით, ქარი და უკიდურესი სიცხე საფრთხეს უქმნის მეხანძრეების ბრძოლას საფრანგეთსა და ესპანეთში მძვინვარე ხანძრების ლოკალიზებისთვის.
საფრანგეთში ევაკუაციის შესახებ გამოცემულმა პრევენციულმა ბრძანებამ, რომელიც ბორდოს დასავლეთით, ლაკანოს კურორტის გარშემო მდებარე კემპინგებს, დასასვენებელ სოფლებსა და სხვა ტურისტულ საცხოვრებლებს მოიცავს, გაამწვავა ხანძრის გამო საგანგებო მდგომარეობა, რომელსაც საფრანგეთის პრეზიდენტი, ემანუელ მაკრონი, მეორე მსოფლიო ომის შემდეგ „ყველაზე რთულ“ სიტუაციად მიიჩნევს.
სამშაბათს, ბორდოს კრიზისულ ცენტრში ვიზიტისას, მაკრონმა აღნიშნა: „მომდევნო კვირები ძალიან მძიმე იქნება და ჩვენ უნდა გავძლოთ“.
ამასთანავე, ესპანეთში, სამხრეთ ალმერიის პროვინციაში ხანძრის შედეგად დაშავებული ქალი საავადმყოფოში გარდაიცვალა, რითაც დაღუპულთა რიცხვი 14-მდე გაიზარდა.
კომენტარები
კომენტარი