“უნდა წავიდეს, ისე თამაშობს, თითქოს 150 სმ-იანი იყოს” – The Sun “ლიდსთან” მატჩის მერე, მამარდაშვილის მიმართ “ლივერპულის” გულშემატკივრების კომენტარებს აქვეყნებს
წინასასეზონო მოსამზადებელი ეტაპის მორიგ მატჩში “ლივერპული” “ლიდს იუნაიტედს” დაუპირისპირდა და 2:4 დამარცხდა.
მერსისაიდელთა რიგებიდან გიორგი მამარდაშვილი კვლავ ძირითად შემადგენლობაში იყო და მატჩი შეუცვლელად ჩაატარა. მიუხედავად იმისა, რომ გაშვებული გოლები ჩვენებურს ნაკლებად დაჰბრალდება, ინგლისური გრანდის ფანები მისით მაინც უკმაყოფილონი არიან.
The Sun-ის ირლანდიურმა გამოცემამ “ლივერპულის” გულშემატკივრების კომენტარები ამოკრიფა, სათაურში კი გამოიტანა, რომ ისინი მამარდაშვილის ცუდი თამაშით უკმაყოფილონი არიან და მის წასვლას მოითხოვენ.
“მამარდაშვილი უნდა წავიდეს!”.
“მამარდაშვილი ისე თამაშობს, თითქოს 150 სმ-იანი იყოს”.
“ძალიან საეჭვოა. მამარდაშვილი ალისონის შემცვლელი ვერ იქნება”.
“მამარდაშვილი ნამდვილი ჰოლოგრამაა”.
წყარო: Sportall.ge