“მანჩესტერ იუნაიტედი” ახალგაზრდა ნახევარმცველის შეძენასთან ახლოსაა
“მანჩესტერ იუნაიტედმა” კარლოს ბალებას ტრანსფერის თაობაზე “ბრაიტონთან” სრულ შეთანხმებას მიაღწია, ამის შესახებ ინფორმაციას ფაბრიციო რომანო ავრცელებს.
წყაროს ცნობით, 22 წლის კამერუნელი დღეს სამედიცინო შემოწმებას გაივლის, შემდეგ კი “იუნაიტედთან” 5-წლიან ხელშეკრულებას გააფორმებს.
“მანკუნიანელებს” აფრიკელის ტრანსფერი 70 მილიონი ევრო დაუჯდებათ.
ბალება “ბრაიტონის” ღირსებას 2023 წლიდან იცავდა და ამ პერიოდში “თოლიების” მაისურით 92 მატჩი გამართა.
წყარო: Sportall.ge